7 yanğın hadisəsi olub

Beyləqan rayonu, Eyvazlılar kəndində (rayon mərkəzindən 17 km aralı) vətəndaşa məxsus həyətyanı sahəyə yığılmış 30 ton ot bağlamasının 15 tonu yanıb.

Lent.az-ın FHN-in saytına istinadən məlumatına görə, ot bağlamasının qalan hissəsi yanğından mühafizə olunub.

Beyləqan rayonu, Qəhrəmanlı kəndində (rayon mərkəzindən 15 km aralı) vətəndaşa məxsus həyətyanı sahəyə yığılmış 30 ton ot bağlamasının 14 tonu yanıb. Ot bağlamasının qalan hissəsi yanğından mühafizə olunub.

Nəsimi rayonunda 2 mərtəbəli yaşayış binasının zirzəmisində yaşayan vətəndaşa məxsus ümumi sahəsi 16 kv.m olan 2 otaqlı mənzilin yanar konstruksiyaları 12 kv.m sahədə yanıb. Mənzillər yanğından mühafizə olunub.

Hacıqabul rayonunda kənd bələdiyyəsinə məxsus ərazidə 40 ha sahədə quru ot yanıb. Yaxınlıqdakı əkin sahələri yanğından mühafizə olunub.

Ağsu rayonu, Kələğayılı kəndində (rayon mərkəzindən 10 km aralı) vətəndaşa məxsus ümumi sahəsi 32 kv.m olan 1 mərtəbəli 1 otaqlı evin yanar konstriksiyaları və ev əşyaları yanıb. Yaxınlıqdakı talvar yanğından mühafizə olunub.

Abşeron rayonunda vətəndaşa məxsus həyətyanı sahəyə yığılmış ot bağlamasından 16 ton ot bağlamasının 0,6 tonu yanıb. Ot bağlamasının qalan hissəsi yanğından mühafizə olunub.

Qəbələ rayonu, Quşlar kəndində (rayon mərkəzindən 44 km aralı) kənd bələdiyyəsində məxsus ərazidə 2 ha biçilmiş taxıl sahəsi və 1 ha quru ot yanmışdır. Digər sahələr yanğından mühafizə olunub.

Yanğınlar yanğınsöndürənlər tərəfindən söndürülüb.