Bakıda qadının başını kəsən şəxs tutuldu - YENİLƏNİB

Bakıda dəhşətli qətl törətmiş şəxs məsuliyyətə cəlb edilib. Lent.az-ın məlumatına görə, yanvarın 15-də Ə.Əhmədov küçəsində yaşayan, əvvəllər məhkum olunmuş Xoşavaz Mənəfovanın boğaz nahiyəsindən kəsilərək qətlə yetirmiş meyiti yaşadığı evdə aşkar edilib. Bakı şəhər Baş Polis İdarəsi CAİ, Yasamal RPİ CAŞ və 29-cu PB əməkdaşlarının keçirdiyi əməliyyat tədbirləri nəticəsində qətldə şübhəli bilinən Bakı şəhər sakini Orxan Məmmədov tutulub.

*****

10:50

Yanvarın 15-i axşam Bakının Bakının Yasamal rayonunda törədilmiş qətl hadisəsi ilə bağlı bəzi məqamlar aydınlaşıb. Lent.az-ın əldə etdiyi məlumata görə, Əsəd Əhmədov küçəsində 17 mərtəbəli yaşayış binasının 9-cu mərtəbəsindəki mənzildə qətlə yetirilən 1953-cü il təvəllüdlü Manafova Xoşavaz İsa qızı tənha yaşayırmış. Naməlum şəxs və ya şəxslər dünən axşam saatlarında onun başına güldanla vurub. Bundan sonra qadının öldüyünə əmin olmaq üçün onun boğazı kəsici alətlə kəsilib. Çoxlu qan itirən qadın yerindəcə keçinib.

Bildirilir ki, X.Manafova tənha yaşayırmış. Onun qətli ilə bağlı cinayət işi açılıb. Hazırda hüquq-mühafizə orqanlarının əməkdaşları əməliyyat-axtarış tədbirlərini davam etdirirlər.

*****

61 yaşlı qadın qətlə yetirilib - YENİLƏNİB

Yanvarın 15-də gecə saatlarında Yasamal rayonunda qətl hadisəsi baş verib.

APA-nın məlumatına görə, Əsəd Əhmədov küçəsində 17 mərtəbəli yaşayış binasının 9-cu mərtəbəsindəki mənzildən 1953-cü il təvəllüdlü Xoşavaz Manafovanın üzərində xəsarətlər olan cəsədi tapılıb. Qadının qətlə yetirildiyi bildirilir.

Hazırda hüquq-mühafizə orqanlarının əməkdaşları hadisə yerində işləyirlər.