Şəkidə 55 yaşlı kişi həmkəndliləri tərəfindən vəhşicəsinə döyülüb.
Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, rayonun Kiçik Dəhnə kənd sakini, 1960-cı il təvəllüdlü Rasim Zeynal oğlu Qafarov sentyabrın 8-i axşam saat 20:30 qapalı kəllə-beyn travması ilə xəstəxanaya daxil olub.
Hakim müayinəsi və araşdırması zamanı məlum olub ki, 55 yaşlı Rasim Qafarov həmkəndliləri tərəfindən vəhşicəsinə döyülüb. Rasim Qafarov xəstəxananın cərrahiyə şöbəsinə yerləşdirilib, vəziyyəti orta-ağır qiymətləndirilir.
Şəki Şəhər-Rayon Polis Şöbəsindən APA-ya verilən məlumatda Rasim Qafarovun həmkəndliləri tərəfindən döyülməsi faktı təsdiqlənib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
