2 il əvvəl maqnitofon oğurlayan şəxs tutuldu

Sumqayıtda 2013-cü ildə oğurluq etmiş şəxs tutulub. Lent.az Daxili İşlər Nazirliyinin saytına istinadən xəbər verir ki, DİN-in Kriminalistik Tədqiqatlar İdarəsi və Sumqayıt ŞPİ əməkdaşlarının həyata keçirdikləri əməliyyat-axtarış tədbirləri nəticəsində 2013-cü il martın 30-da Sərxan Musayevə məxsus mağazadan 17 ədəd maqnitofon oğurlamış şəxsin kimliyi müəyyən edilib. Axtarış tədbirləri nəticəsində Sumqayıt şəhər sakini Elxan Muxtarov tutularaq istintaqa təhvil verilib.