23 yaşlı residivstə 7 il 10 ay həbs verildi

Bu gün Bakı Ağır Cinayətlər Məhkəməsində xuliqanlıqda təqsirləndirilən Bakı şəhər sakini, 1992-ci il təvəllüdlü Cəfərov Ülvi Əhməd oğlunun cinayət işi üzrə məhkəmə prosesi yekunlaşıb.

Lent.az-ın məlumatına görə, hakim Azad Məcidovun sədrliyi ilə keçirilən prosesdə hökm oxunub. Hakimlər kollegiyasının hökmünə əsasən Ülvi Cəfərov 7 il 10 ay 2 gün müddətinə azadlıqdan məhrum edilib.

Qeyd edək ki, Ülvi Cəfərov Binəqədi rayon ərazisində xuliqanlıq hadisələri törədib.

Təqsirləndirilən şəxs Cinayət Məcəlləsinim 221-ci (xuliqanlıq) maddəsi ilə ittiham olunur.

Onu da qeyd edək ki, Ülvi Cəfərov Cinayət Məcəlləsinin digər maddələri ilə dustaqlıq həyatı yaşayıb.