Rusiyanın Tümen şəhərində gömrükçülər qanun pozuntusunun qarşısını alıblar.
Lent.az yerli mediaya istinadla bildirir ki, hadisə “yaşıl dəhliz”dən keçərkən baş verib. Azərbaycanlı ər-arvadın baqaj yoxlaması zamanı gömrük əməkdaşları xeyli miqdarda pul — rubl və Azərbaycan manatını aşkarlayıblar.
Yoxlama nəticəsində müəyyən edilib ki, ölkədən qanunsuz çıxarılan nağd vəsait 1 milyon 493 min rubldur (təxminən 31 min 535 manat). Bu, 2025-ci ilin əvvəlindən bəri valyutanın bəyan edilməməsi üzrə ən iri hal sayılır.
Pozuntu faktı üzrə Rusiya Federasiyasının İnzibati Xətalar Məcəlləsinin 16.4-cü maddəsinə əsasən inzibati iş açılıb. Normadan artıq məbləğdə pul vəsaiti müsadirə edilib.
Qeyd etmək vacibdir ki, bir sərnişin bəyan etmədən 10 min ABŞ dollarını aşmayan məbləği ekvivalentdə daşıya bilər. Bu məhdudiyyət bütün valyuta növlərinə — rubl, avro, funt, manat və digər valyutalara şamil olunur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
