Məhkəmədə İNTİHAR: Əli qandallı şübhəli özünü 3-cü mərtəbədən atdı

Adanada narkotik satarkən yaxalanan şübhəli mühakimə olunmaq üçün gətirildiyi məhkəmə binasında əli qandallı halda mühafizə əməkdaşlarından qaçaraq 3-cü mərtəbədən pilləkən qəfəsinə tullanaraq intihar edib.

Lent.az-ın xarici mediaya istinadən məlumatına görə, hadisə Yüreğir rayonunda Mustafa Kamal Paşa bulvarında yerləşən məhkəmə binasında baş verib. İddiaya görə, 35 yaşlı Oktay Güleryüzu polis narkotik ittihamı ilə yaxalayıb. Yaxalanan şübhəli polis bölməsindən “narkotik alveri” cinayətinə görə məhkəməyə göndərilib.

Növbətçi Sülh Cəza Məhkəməsində dinləmələr davam edərkən, Güleryüz əlləri qandallı olmasına baxmayaraq təhlükəsizlik qüvvələrinin qarşısından qaçaraq 3-cü mərtəbədən pilləkən boşluğuna atılıb. Əraziyə gələn sağlamlıq qrupları Güleryüzün öldüyünü müəyyən edib.