Kreditlə alınan qoyunları canavar yedi -FOTO
01 noyabr 2022 22:22 (UTC +04:00)

Kreditlə alınan qoyunları canavar yedi -FOTO

Şəkidə məskunlaşan Ağdərə sakininin  bankdan pul götürüb aldığı xırdabuynuzlu heyvanları canavar parçalayıb. 

Lent.az-ın məlumatına görə, hadisə oktyabrın 31-dən noyabrın 1-ə keçən gecə Şəki rayonunun Sarıca kəndində baş verib. Gecə saatlarında Sarıca kəndində maskunlaşan Ağdərə rayon sakini Ayaz Əliyevin təsərrüfatına soxulan canavar 44 baş qoyundan 36 başını boğaraq tələf edib. Daha 8 baş qoyunu ağır yaralayıb. 

Təsərrüfat sahibi qoyunları bankdan pul götürərək aldığını bildirir. A.Əliyev hadisə barədə müvafiq qrumları məlumatlandırıb. 

Hadisə yerinə Azərbaycan Respublikası Qida Təhlükəsizliyi Ağetliyinin nümayəndələri baxış keçirib, mövcud heyvanlardan 36 başının öldüyünü qalanlarının isə yararsız olduğunu bildiriblər. Ölmüş heyvanların cəmdəyi  təlimata uyğun basdırılacaq, tövlə isə dezinfeksiya olunacaq.
 

# 3954
avatar

Oxşar yazılar