Kazan terrorçusundan ŞOK AÇIQLAMA: “Mən Allaham”

Kazanda terror törətməkdə şübhəli bilinən 19 yaşlı İlnaz Qalyaviev ilkin ifadəsində şok açıqlamalar verib.

Lent.az-ın Rusiya mediasına istinadla verdiyi xəbərə görə, o bildirib ki, 2 ay qabaq özünü Allah hesab etməyə başlayıb:

terror törətməkdə şübhəli bilinən İlnaz Qalyaviev

“Hamıya birdən-birə nifrət erməyə başladım. Hər gün nifrətim artmaqda davam edirdi. Mən bu barədə ilk dəfə öz anama dedim. Amma biləsiniz ki, mənim nə anam, nə atam var. Mən onlardan imtina etmişəm”.

Qeyd edək ki, İlnaz Qalyaviev oxuduğu Kazan İdarəetmə Universitetindən kəsirləri olduğu üçün qovulub. Tələbə yoldaşları sakit, heç kimlə münasibət qurmayan biri kimi tanıdıqlarını bildiriblər.

Əlavə edək ki, İ.Qalyaviev mayın 4-dən etibarən “Allah” adında “Telegram” kanalı açıb və bütün bəşəriyyətə müraciət edərək özünü Allah kimi tanımağa çağırıb. İnsanları isə özünün qulu adlandırıb.