İrana qaçmaq istəyən əcnəbilər sərhəddə saxlanıldılar

Azərbaycan-İran sərhədində pozuntu aşkar edilib.

Dövlət Sərhəd Xidmətindən Lent.az-a verilən xəbərə görə, sentyabrın 15-də saat 8:50-də Sərhəd Qoşunlarının “Horadiz” sərhəd dəstəsinin Beyləqan rayonunun birinci Şahsevən kəndi yaxınlığında yerləşən sərhəd zastavasının xidməti ərazisində dövlət sərhədini pozaraq Azərbaycandan İrana keçməyə cəhd edərkən 4 nəfər Şri-Lanka vətəndaşları, 20 yaşlı İnthirakumar Dishanth, 41 yaşlı Seevarathnam Vijayakumar, 29 yaşlı Ukenthiran Sayanthan və 23 yaşlı Ramachandran Thilakshan sərhəd pozucusu qismində saxlanılıblar.

Saxlanılan şəxslərdən üçünün rəsmi qaydada Qətərdən Doha-Bakı reysi ilə birinin isə Birləşmiş Ərəb Əmirliklərindən Dubay-Bakı reysi ilə Azərbaycana gəlmələri müəyyən olunub. Araşdırma zamanı Şri-Lanka vətəndaşlarının dövlət sərhədini pozaraq Azərbaycandan İrana, oradan isə Türkiyəyə keçməklə, Avropa olkələrindən birinə miqrasiya etmək niyyətində olmaları müəyyənləşdirilib.

Fakt üzrə qeyri-leqal miqrasiya kanalının aşkarlanaraq zərərsizləşdirilməsi istiqamətində əməliyyat-istintaq tədbirləri davam etdirilir.