Rusiyada dekabrın 20-də baş vermiş gəmi qəzası ilə bağlı cinayət işi başlanıb.
Lent.az yerli mediaya istinadla bildirir ki, Moskvanın Pestovo qəsəbəsi istiqamətində baş verən hadisə nəticəsində Sоlnçevskaya MÇQ-nin liderlərindən biri Viktor Averin həlak olub, Vladimir Putinin tələbə yoldaşı Viktor Xmarin isə xəsarətlər alıb. Faktla bağlı Cinayət Məcəlləsinin 263-cü (daxili su nəqliyyatında hərəkət və istismar təhlükəsizliyi qaydalarının pozulması, ehtiyatsızlıqdan insan ölümünə səbəb olma) maddəsi ilə cinayət işi açılıb.
Məlumata görə, artıq dünən Averinin cəsədinin məhkəmə-tibbi ekspertizası aparılıb. Onun çərşənbə və ya cümə axşamı dəfn ediləcəyi gözlənilir.
Qeyd olunur ki, hadisədən bir gün əvvəl VIP sərnişinləri daşıyan yaxta Moskvadakı “Royal” yaxt-klubundan çıxaraq Pestovo qəsəbəsi istiqamətində yola düşüb. Sonradan sağ qalan iştirakçıların bildirdiyinə görə, onlar yeni aldıqları meşə sahəsinə baxmağa gedib, sonra geri qayıdırmışlar. İlkin olaraq istintaqın iki versiyası var:
Birinci versiyaya görə, kanalın çıxışında gəmi sürətlə hərəkət edərkən arxa hissə ilə fırlanıb, alt hissəsinin “pulcuqlu” örtüyü buza yapışıb və bu, çevrilməyə səbəb olub.
İkinci versiyaya əsasən, buz üzərinə çıxış zamanı yan sürüşmə baş verib: buz qırılıb, hava balonu zərbə alıb və nəticədə gəmi çevrilib. Nəticədə sərnişinlər suya düşüblər. Gəmidə olanların sözlərinə görə, aeroxodlu qayığı məhz Viktor Averin idarə edirmiş. Bununla belə, onun kiçik ölçülü gəmini idarə etmək hüququnu təsdiqləyən vəsiqəsi olmayıb. Məlumata görə, onun ümumiyyətlə sürücülük hüquqları da yox imiş.
Ümumilikdə gəmidə altı nəfər olub:
Averin Viktor Sergeyeviç — həlak olub;
Xmarin Viktor Nikolayeviç, 1949-cu il təvəllüdlü (Vladimir Putinin kurs yoldaşı; hadisədən sonra onun adını sərnişin siyahısından gizlətməyə cəhd ediblər);
Perekatov Dmitri Leonidoviç, 18.02.1970 təvəllüdlü (Xmarin və Partnyorları bürosunun vəkili);
Abramuşin İvan İvanoviç, 16.10.1990 təvəllüdlü (Qazaxıstan əsilli, Olimpiya ehtiyatları məktəbində qeydiyyatda olub, ehtimal ki, mühafizəçi);
Əliyev Şamisdan İsmayıl oğlu, 26.07.1964 təvəllüdlü (Xmarinə yaxın azərbaycanlı biznesmen);
Leonova Yekaterina Andreyevna, 26.04.2007 təvəllüdlü (Tula vilayətindən model; sosial şəbəkələrdə porno xidmətlər və OnlyFans ilə əlaqələndirilir).
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
