Rostov vilayətində dörd uşağın ölümü ilə bağlı cinayət işi açılıb.
Lent.az Rusiya mediasına istinadla xəbər verir ki, hadisə Krasnosulinski rayonunun Şaxtenki kəndində baş verib. 6-15 yaşlı uşaqlar dəm qazından zəhərlənərək ölüblər.
Meyiti tapılan uşaqların 6, 7, 10 və 15 yaşlarında olduğu bildirilir. Xilasedicilər bildiriblər ki, uşaqlar evdə tək qalıblar və ölümə səbəb soba tüstüsü olub.
Müstəntiqlər müəyyən ediblər ki, uşaqların cəsədlərində zorakılıqla ölüm izləri yoxdur, lakin zəhərlənmə əlamətləri aşkarlanıb. Faktla bağlı Rusiya Federasiyası Cinayət Məcəlləsinin 109-cu maddəsinin 3-cü hissəsi (ehtiyatsızlıqdan iki və ya daha çox şəxsin ölümünə səbəb olma) ilə cinayət işi başlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
