Tatarıstanda qadının azyaşlı qızını vəhşicəsinə döyməsini əks etdirən video yayılıb.
Lent.az yerli KİV-ə istinadən xəbər verir ki, hadisə ilə bağlı Tatarıstan İstintaq Komitəsi “işgəncə maddəsi” ilə cinayət işi açıb.
Bildirilib ki, qadın bu hərəkətlərinə görə üç ildən yeddi ilədək azadlıqdan məhrumetmə ilə cəzalandırıla bilər:
“Hadisənin görüntüləri dekabrın 1-də ictimailəşib. Videonu valideyn özü - 31 yaşlı Kazan şəhər sakini sərxoş vəziyyətdə çəkib. O, ərindən qisas almaq üçün 2020-ci il təvəllüdlü körpəni vəhşicəsinə döyüb. Daha sonra videonu ərinə göndərib”.
Hazırda azyaşlı anasından alınıb və xəstəxanadadır.
Qadın yaşayış yerini tərk etməmək və düzgün davranış barədə yazılı öhdəlik götürülüb.
