İyunun 30-da yol qəzalarında iki piyada həyatını itirib.
Daxili İşlər Nazirliyindən Lent.az-a verilən məlumata görə, iyunun 30-da saat 21 radələrində Yevlax şəhəri ərazisində şəhər sakini M.Yusifov idarə etdiyi “Chevrolet” markalı avtomobillə yolu keçən həmyerlisi Ülviyyə Məmmədovanı vurub. Nəticədə xəsarətlə xəstəxanaya yerləşdirilən piyada orada ölüb.
Faktla bağlı Yevlax rayon Polis Şöbəsində araşdırma aparılır.
Daha bir qəza isə həmin gün saat 23 radələrində Abşeron rayonunun Müşfiqabad qəsəbəsi ərazisində qeydə alınıb. İmişli rayon sakini Ə.İbişov idarə etdiyi “Ford” markalı avtomobillə yolu keçən 35-40 yaşlı kişini vurub. Nəticədə həmin şəxs aldığı xəsarətlərdən hadisə yerində ölüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
