DTX gizli yolla Azərbaycana daxil olan İŞİD terrorçusunu tutdu-VİDEO-YENİLƏNİB

Xəzər TV DTX-nın həbs etdiyi İŞİD terrorçusu ilə bağlı süjet yayımlayıb.
Lent.az həmin süjeti təqdim edir.

***

14.32

Azərbaycan vətəndaşlığından məhrum edilən terrorçu gizli yolla ölkəyə daxil olarkən tutulub.

Lent.az "MOUZE" teleqram kanalına istinadən xəbər verir ki, Dövlət Təhlükəsizliyi Xidmətinə Zülfüqarov Kamran Azər oğlunun qeyri-leqal yolla Azərbaycana gəlməsi barədə məlumat daxil olub.

Daxil olan məlumat əsasında həyata keçirilən araşdırmalar nəticəsində məlumat təsdiqini tapıb.

Həyata keçirilən xüsusi əməliyyat nəticəsində K.Zülfüqarovun gizləndiyi yer müəyyən edilib və o saxlanılıb.

Qeyd edək ki, Kamran Zülfüqarovun İŞİD terror qruplaşmasının üzvü olub. O, Suriyada xüsusi təlimlər keçib və bir sıra ağır cinayətlərə imza atıb.
Belə ki, onun da daxil olduğu cinayətkar dəstənin üzvləri, qarşi tərəfdə vahimə yaratmaq üçün ələ keçirdikləri şəxslərin başlarini kəsərək, nümayiş etdiriblər.