Dələduz polis polkovnikinə cinayət işi AÇILDI

Moskvada Daxili İşlər Nazirliyinin polkovniki dələduzluq təqsirləndirilir.

Lent.az Rusiya mediasına istinadla bildirir ki, o, səfərbərliyə çağırılan şəxsi bir milyon rubl (təxminən 18 min manat) müqabilində evinə qaytaracağına söz verib. Ancaq bütün pulları xərcləyib və dediyinə əməl etməyib.

Polkovnik Sergey Kuşçov 1996-cı ildən daxili işlər orqanlarında çalışır. Keçən ilin sonunda bir tanışı ona Şimal Hərbi Dairəsində olan oğlu barədə danışıb. Sergey Rusiya Müdafiə Nazirliyindəki əlaqələri haqqında dostu ilə söhbət edərək, lazımi köməklik edəcəyini və sonra oğlanın səfərbərlikdən evə qayıdacağını vəd edib. Bunun üçün də bir milyon rubl (təxminən 18 min manat) alıb.

Qadın razılaşıb və Sergeyə pul verib. Əslində, isə polisin heç bir əlaqəsi yox imiş və beləliklə də bütün məbləği xərcləyib. Zərərçəkmişin müraciətindən sonra polis polkovniki saxlanılıb.

Məlumata görə, ona qarşı “Dələduzluq” maddəsi ilə iş açılıb.