Çoxlu pulla Romaya uçan azərbaycanlı qadın YOXA ÇIXDI

İtaliyada azərbaycanlı qadın itkin düşüb.

Bu barədə Lent.az-a Avropada yaşayan azərbaycanlılar məlumat veriblər

Məlumata əsasən, Quliyeva Sona Cəmil qızı noyabrın 3-də İtaliyanın paytaxtı Romaya uçub. Bu barədə qadın "Romaya çatdım" deyə video çəkərək paylaşıb. Həmin andan sonra ondan xəbər almaq mümkün olmayıb.

Qeyd olunur ki, Sona Quliyevanın üzərində böyük məbləğdə pul və telefon olub. Onun itkin düşməsi ilə bağlı Azərbaycanın İtaliyadakı səfirliyinə də məlumat verilib.