Bakıda avtoxuliqanlıq edən iş adamı həbs olunub.
Lent.az-ın məlumatına görə, hadisə gecə saatlarında Səbail rayonu “Bayraq Meydanı”nda qeydə alınıb.
Bakıda şirkətlərdən birinin direktoru olan 37 yaşlı Samir Muradov (ad və soyad şərtidir) özünə məxsus “Ford Mustang” markalı avtomobillə avtoxuliqanlıq edib. Bu zaman xidmətdə olan yol polisi əməkdaşları ona yaxınlaşaraq, irad bildirib. Törətdiyi pozuntu ilə bağlı ona protokol tərtib olunduğu zaman isə sürücü avtomobildən düşərək qaçıb.
Avtomobil isə duracağa yerləşdirilib. Törətdiyi yol hərəkəti pozuntusuna görə Samir Muradov barəsində İnzibati Xətalar Məcəlləsinin 511.2.3-cü (avtoxuliqanlıq) maddəsi ilə protokol tərtib olunub.
Səbail rayon Məhkəməsinin qərarı ilə o, nəqliyyat vasitəsini idarə etmək hüququ 1 il müddətinə məhdudlaşdırılmaqla, 15 gün müddətinə inzibati qaydada həbs olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
