20 iyul 2021 16:22 (UTC +04:00)

Bakıda "Life Centre"nin yerləşdiyi binada yanğın söndürüldü -YENİLƏNİB-FOTO

Bakıda "Life Centre"nin yerləşdiyi binada yanğın söndürülüb.

Bu barədə APA-nın hadisə yerində olan əməkdaşı xəbər verib.

 

Saat 16:02

 

Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Nərimanov rayonunda yerləşən onaltımərtəbəli yaşayış binasında yanğın olması barədə məlumat daxil olub.

Fövqəladə Hallar Nazirliyinin mətbuat xidmətinin rəhbəri Gülçin Mehdiyevanın APA-ya verdiyi xəbərə görə, həmin binada "Life Centre" ticarət mərkəzi yerləşir.

 

15:50

 

Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Nərimanov rayonunda yerləşən onaltımərtəbəli yaşayış binasında yanğın olması barədə məlumat daxil olub.

Lent.az-ın nazirliyin saytına istinadən xəbərinə görə, məlumat qəbul ediləndən dərhal sonra FHN-nin müvafiq xilasetmə qüvvələri yanğın baş verdiyi ünvana cəlb olunub. İlkin məlumata əsasən, binanın şaxtasında elektrik kabelləri yanır. Hazırda yanğınsöndürmə işləri davam etdirilir.

Əlavə məlumat veriləcək.

Qeyd edək ki, yanğınsöndürmə işlərinə cəlb olunan yanğından mühafizə bölmələri yaşayış binasının həyətinə girişdə və həyətində vətəndaşlar tərəfindən avtomobillərin nizamsız park edilməsi səbəbindən çətinliklə üzləşiblər.

Bakı Nəqliyyat Agentliyindən APA-ya verilən xəbərə görə, hazırda F.Xoyski və Ə.Rəcəbli küçələrinin kəsişməsindən Ə.Rəcəbli küçəsinə giriş məhdudlaşdırılıb. Məhdudlaşdırma Ə. Rəcəbli küçəsindəki binada baş verən yanğın səbəbindən tətbiq edilib.

# 1656
avatar

Oxşar yazılar