Bakıda dustaq həbsxanaya özü ilə görün nə gətirdi? - FOTO

Bakı istintaq təcridxanası və 12 saylı cəzaçəkmə müəssisəsinə narkotik və psixotrop maddələrin keçirilməsi cəhdlərinin qarşısı alınıb.

Penitensiar Xidmətdən Lent.az-a verilən məlumata görə, Cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş şəxs Qalib Ramazan oğlu Abasov Bakı istintaq təcridxanasına daxil olarkən üzərinə baxış keçirilib. Bu zaman əynində geyindiyi alt paltarının içərisində xüsusi üsulla gizlədilmiş 15 ədəd sellofan bükülüdə 5,599 qram narkotik maddə - heroin, 8 ədəd sellofan bükülüdə 1,542 qram psixotrop maddə - metamfetamin və üzərində 5 ədəd 0,2 qram narkotik tərkibli dərman pereparatı - metadon aşkar edilib.

Cinayət Məcəlləsinin 120.2.4-cü maddəsi ilə təqsirli bilinərək 16 il 6 ay müddətinə azadlıqdan məhrum edilmiş və hazırda 12 saylı cəzaçəkmə müəssisəsində saxlanılan məhkum Ayxan İlqar oğlu Zamanova atası İlqar Nadir oğlu Zamanov tərəfindən gətirilmiş sovqata baxış keçirilib. B zaman isə orada olan tər əleyhinə vasitənin içərisində xüsusi üsulla gizlədilmiş ümumi çəkisi 1,21 qram olan narkotik maddə - marixuana aşkar olunub.