Bakı metrosunda relsin üzərinə düşən sərnişin ölüb.
TƏBİB-dən Lent.az-a verilən məlumata görə, yanvarın 7-də saat 22:40-da 18 yaşlı şəxs Sabunçu Tibb Mərkəzinə hospitalizasiya olunub.
Baş-beynin travması diaqnozu ilə Cərrahi reanimasiya şöbəsinə yerləşdirilən pasiyentin vəziyyəti ağır qiymətləndirilib. Aparılan müalicə və reanimasiyon tədbirlərə baxmayaraq, yanvarın 8-də saat 13:00 radələrində onun ölüm faktı qeydə alınıb.
***
8 yanvar, saat 10:30
Ötən gün metronun “Ulduz” stansiyasında relsin üzərinə düşərək xəsarət alan sərnişinin vəziyyəti açıqlanıb.
TƏBİB-dən Lent.az-ın sorğusuna cavab olaraq bildirilib ki, yanvarın 7-də saat 22:44-də 18 yaşlı gənc Sabunçu Tibb Mərkəzinə hospitalizasiya olunub:
"Baş-beynin travması diaqnozu ilə ona zəruri tibbi yardımlar göstərilib və dərhal əməliyyata alınıb. Hazırda müalicəsi Cərrahi reanimasiya şöbəsində davam etdirilir, vəziyyəti ağırdır".
Qeyd edək ki, dünən axşam saatlarında "Bakı Metropoliteni"nin “Ulduz” stansiyasında qatar platformaya daxil olan zaman sərnişin relsin üzərinə düşüb. Hadisə nəticəsində sərnişin ağır xəsarət alıb.
***
7 yanvar
Saat 22:45
Bu gün axşam saatlarında Bakı Metropoliteninin “Ulduz” stansiyasında qatar platformaya daxil olan zaman sərnişin relsin üzərinə düşüb.
Lent.az Bakı Metropoliteninə istinadən xəbər verir ki, ilkin məlumata əsasən, hadisə nəticəsində sərnişin ağır yaralanıb.
Stansiyada dərhal təhlükəsizlik tədbirləri keçirilib, təmas relsindən yüksək gərginlik çıxarılıb və təcili tibbi yardım xidməti əraziyə çağırılıb.
Hadisə nəticəsində hərəkət cədvəlində müəyyən gecikmələr yaranıb. Müvafiq araşdırmalar aparılır, ətraflı məlumat təqdim ediləcək.
Sərnişinlərdən təhlükəsizlik qaydalarına riayət etmələri və platformalarda hərəkət zamanı diqqətli olmaları xahiş olunur.
Respublika Təcili və Təxirəsalınmaz Tibbi Yardım Mərkəzinə saat 21:50-də “Ulduz” metrostansiyasından çağırış daxil olub.
TƏBİB-dən bildirilib ki, çağırış ünvanına təcili tibbi yardım briqadası cəlb olunub.
Təcili tibbi yardım briqadası tərəfindən 1 nəfər şəxs açıq kəllə-beyin travması diaqnozu ilə Kliniki Tibbi Mərkəzə təxliyə olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
