Azərbaycanda polis faciəvi şəkildə öldü - YENİLƏNİB

Goranboyda yol qəzasında ölən polis əməkdaşı imiş.

Bu barədə Lent.az-a Daxili İşlər Nazirliyinin mətbuat xidmətinin Gəncə regional qrupunun baş inspektoru, polis kapitanı Eşqin Qasımov məlumat verib.

O bildirib ki, Goranboy rayon Polis Şöbəsinə rayonun Zeyvə kəndi ərazisində yol-nəqliyyat hadisəsi olması barədə məlumat daxil olub:

“Dərhal polis əməkdaşları hadisə yerinə gələrək müvafiq tədbirlər həyata keçiriblər. İlkin araşdırmalar nəticəsində məlum olub ki, Rəşad Məhərrəmov sürücüsü olduğu “Opel” markalı avtomobilə idarəetməni itirib və nəticədə avtomobil aşıb. Qəza nəticəsində sürücü müxtəlif bədən xəsarətləri alıb, sərnişin - Goranboy rayon Polis Şöbəsinə əməkdaşı, polis baş serjantı, 27 yaşlı Yusif İbrahimli isə ölüb.

Faktla bağlı araşdırmalar davam etdirilir”.

***
Saat: 06:12

Goranboyda ölümlə nəticələn yol qəzası baş verib.

Lent.az-ın APA-ya istinadla məlumatına görə, hadisə rayonu Zeyvə kəndinin yaxınlığında qeydə alınıb.

Hərəkətdə olan minik maşını yoldan çıxaraq aşıb. Qəza zamanı 1996-cı il təvəllüdlü Yusif İbrahimov hadisə yerində ölüb. 1991-ci il təvəllüdlü Rəşad Məhərrəmov xəsarət alaraq xəstəxanaya yerləşdirilib.