Azər Qasımlının vəkillərinin vəsatətləri təmin edilmədi

Siyasi Menecment İnstitutunun direktoru, politoloq Azər Qasımlının cinayət işi üzrə məhkəmənin hazırlıq iclası keçirilib.

Lent.az xəbər verir ki, bu gün Bakı Ağır Cinayətlər Məhkəməsində hakim Telman Hüseynovun sədrliyi ilə keçirilən prosesdə təqsirləndirilən şəxsin vəkili Aqil Layıc hakimə etiraz edib.

Vəkil daha sonra müvəkkili ilə məsləhətləşdikdən sonra etirazı geri götürüb.

Daha sonra vəkillər vəsatətlə çıxış edib.

Vəkil Rövşənə Rəhimli müvəkkilinin şüşə qəfəsdən çıxarılması və yanlarında əyləşdirilməsi ilə bağlı vəsatət qaldırıb.

Vəsatət təmin edilməyib.

Vəkil Aqil Layıc həbs qətimkan tədbirinin ev dustaqlığı ilə dəyişdirilməsini xahiş edib.

Sonra cinayət işinə xitam verilməsi ilə bağlı məhkəməyə vəsatət təqdim edilib.

Azər Qasımlı bildirib ki, özünü iş üzrə təqsirli bilmir və əksinə olaraq zərərçəkmiş şəxsdir. O, vəsatətlərin təmin edilməsini istəyib.

Daha sonra vəkil Rövşəna Rəhimli zərərçəkmiş şəxsin atası, anası və xalası oğlunun ifadələrinin sübutlar siyahısından çıxarılmasını iatəyib.

Vəkillər, həmçinin Mingəçevir və Şəki Apellyasiya Məhkəməsinindəki proseslərdəki audio və video protokolların məhkəmədən alınaraq sübutıar siyahısına salınmasını istəyib.

Məhkəmə həbs qətimkan tədbiriin dəyişdirilməməsi olə bağlı vəsatəti təmin etməyib. Digər vəsatətlərə iyulun 2-də keçiriləcək növbəti prosesdə baxılacaq.

Qeyd edək ki, Siyasi Menecment İnstitutunun direktoru, politoloq Azər Qasımlı barəsində olan müraciətlə əlaqədar 8 dekabr 2024-cü ildə polis tərəfindən saxlanılıb.

O, Cinayət Məcəlləsinin 182.2.3 (Hədə-qorxu ilə tələb etmə, zor tətbiq etmə ilə törədildikdə) maddəsi üzrə təqsirli bilinir.