2022-ci il yanğınlarında 51 nəfər həlak olub

Ötən il Azərbaycanda baş verən yanğın hadisələrinin statistikası açıqlanıb.

Fövqəladə Hallar Nazirliyindən Lent.az-a verilən xəbərə görə, 2022-ci il ərzində respublika ərazisində baş vermiş yanğın hadisələrindən təhqiqatı aparılmış yanğınların sayı 2095 olub.

Yanğın hadisələri zamanı 51 nəfər həlak olub, 219 nəfər xəsarət alıb. Bu da ötən il ilə müqayisədə yanğından həlak olanlar üzrə 13 nəfər və ya 34 faiz, xəsarət alanlar üzrə 74 nəfər və ya 70 faiz çoxdur.