Gömrükçülər 1014 qram qızıl zinət əşyaları aşkar edib

Lent.az-ın Dövlət Gömrük Komitəsinin rəsmi saytına istinadən verdiyi məlumata görə, N. Mehdiyevanın yüklərinə “Rapiscan-628” markalı X-Ray aparatı ilə baxış keçirilib. Həmin yüklər sırasında qadın çantasına baxış zamanı aparatın monitorunda zərgərlik məmulatlarına bənzər əşyaların təsvirləri əks olunub və çantaya təkrar gömrük baxışı keçirilib. Nəticədə, çantadan vətəndaş tərəfindən nə yazılı, nə şifahi, nə də elektron formada bəyan olunan qızıl zinət əşyaları aşkar edilib.

İş üzrə izahatında isə vətəndaş N. Mehdiyeva qızıl zinət əşyalarını İstanbulda əldə etdiyini, satış məqsədilə Bakıya gətirdiyini və müvafiq qanunlara yaxşı bələd olmadığı üçün bəyan etmədiyini bildirilib.

Ədliyyə Nazirliyi Məhkəmə Ekspertiza Mərkəzinin arayışına əsasən, 585 əyarlı həmin zərgərlik məmulatlarının çəkisi 1014 qram təşkil edib.

Faktla bağlı təhqiqat aparılır.