Qəhrəmanlar unudulmur – Milli Qəhrəman Sergey Senyuşkin

Qarabağ Azadlıq Təşkilatı və Milli Qəhrəmanları Tanıtma İctimai Birliyi Azərbaycanın ərazi bütövlüyü uğrunda vuruşmuş Milli Qəhrəmanların cəmiyyətə bir daha təqdim olunması üçün təşəbbüs irəli sürüb.

Lent.az da bu təşəbbüsə qoşulur və Milli Qəhrəmanların doğum günlərində onlar haqqında məlumatları dərc edir.

Qəhrəmanlar unudulmur!

Sergey Aleksandroviç Senyuşkin 1957-ci il sentyabrın 15-də Rusiyanın Samara vilayətinin Sızran şəhərində anadan olub. O, peşəkar təyyarəçi kimi 1992-ci il fevralın 1-dən Azərbaycan Silahlı Qüvvələrində xidmət edib, ölkənin Hərbi Hava Qüvvələrinin yaradılmasında yaxından iştirak edib, həm təyyarəçiləri hazırlayıb, həm də Qarabağda aparılan döyüş əməliyyatlarında iştirak edib. 1992-ci ilin fevral ayı ərzində dinc əhalinin Xocalıdan çıxarılmasında xüsusi fədakarlıq göstərib. Fevralın 29-da növbəti uçuş zamanı ağır yaralanıb və qəhrəmanlıqla həlak olub. 1992-ci il sentyabrın 14-də Milli Qəhrəman adı verilib. Samara vilayətinin Sızran şəhərində dəfn olunub. Bakının Xətai rayonunda adına küçə var.