Xuliqanlıq, dələduzluq, quldurluq və soyğunçuluq maddələri ilə axtarışda olan şəxslər tutulub

Sentyabrın 11-də Bakıda polis bir neçə nəfər şəxsi saxlayıb.

Bakı şəhər Baş Polis İdarəsindən Lent.az-a verilən məlumata görə, BPİ NMİ-in əməkdaşlarının keçirdiyi əməliyyat-axtarış tədbirləri nəticəsində Tovuz RPŞ-si tərəfindən AR CM-in 221-ci (xuliqanlıq) maddəsi ilə axtarışda olan əvvəllər məhkum olunmuş Rövşən Salmanov yaxalanıb. Suraxanı RPİ CAŞ və 31-ci PB-nin əməkdaşlarının keçirdiyi əməliyyat-axtarış tədbirləri nəticəsində AR CM-in 178-ci (dələduzluq) maddəsi ilə axtarışda olan Elimxan Kazımov da tutulub. Sentyabrın 10-da isə naməlum şəxs Qaraçuxur qəsəbəsində yaşayan Ruslan Əliyevi yumruqla vuraraq boynundan qızıl boyunbağını və mobil telefonunu alıb. Suraxanı RPİ 32-ci PB-nin əməkdaşlarının keçirdiyi əməliyyat tədbirləri nəticəsində soyğunçuluqda şübhəli bilinən Bakı şəhər sakini Nahid Kərimov sentyabrın 11-də yaxalanıb.

Həmçinin, sentyabrın 7-si saat 04:40 radələrində Q.Qarayev prospektində naməlum şəxs Bakı şəhər sakini Sahib Talıbovun taksi kimi idarə etdiyi “VAZ 2106” markalı avtomobilə əyləşib Naximov küçəsində sürücünü bıçaqla hədələyərək mobil telefonunu, pulunu və idarə etdiyi avtomobili alaraq gedib. Nizami RPİ PPXB-nin əməkdaşları quldurluqda şübhəli bilinən Bakı şəhər sakini Samir Nuriyevi sentyabrın 11-də Q.Qarayev prospektində yaxalayaraq ərizi üzrə 25-ci PB-yə təhvil verib.

Nizam RZA