Kürdəmirdə silsilə cinayətlərin üstü açılıb

Rayon Polis Şöbəsindən Lent.az-a verilən məlumata görə, Binəqədi rayon Polis İdarəsi ilə birgə keçirilmiş əməliyyat-axtarış tədbirləri nəticəsində son bir ayda törədilmiş oğurluqlarda şübhəli bilinən iki nəfər yaxalanıb.

1990-cı ildə Masallı rayonunda anadan olmuş və əvvəllər məhkum olunmuş Əzimov Emin Rövşən oğlu, həmçinin Kürdəmir sakini, 1984-cü il təvəllüdlü Qəribov Saleh Əlimusa oğlu Binəqədi rayonu ərazisində ələ keçirilib.

Hər iki şəxs ətrafında əlavə araşdırmalar aparılır.

Nizam RZA