Batmaq təhlükəsi ilə üzləşən “Mira” gəmisinin heyəti sahilə çıxarılıb
20 may 2009 14:00 (UTC +04:00)

Batmaq təhlükəsi ilə üzləşən “Mira” gəmisinin heyəti sahilə çıxarılıb

Hind okeanında girov saxlanılan gəminin heyət üzvlərindən 6-sı azərbaycanlıdır


Hindistan sularında saxlanan “Mira” gəmisində olan 24 nəfər sahilə çıxarılıb.

Bu barədə APA-ya gəminin baş mühəndisi Zahid Əliyev məlumat verib. Onun sözlərinə görə, üç gündür, gəmiyə su dolmağa başlayıb və bu gün səhər yanacaq qurtarıb: “Mən təcili olaraq yaxınlıqdakı limanla əlaqə saxladım və onlar bizə 10 ton yanacaq göndərdilər. Biz gəmiyə dolan suyu pompalar vasitəsi ilə kənara vururuq. Hazırda gəminin makina dairəsində toplanan suyun həcmi kifayət qədər çoxdur və heyətin həyatı təhlükədədir. Ona görə də heyət üzvlərinin hamısı yanacaq gətirən kater vasitəsi ilə sahilə çıxarılıb”.

Z. Əliyev bildirib ki, əgər tezliklə sahilə çıxarılmasa, gəminin batmaq təhlükəsi realdır.
# 803

Oxşar yazılar