Şamaxıda dəhşətli olay
23 dekabr 2010 13:15 (UTC +04:00)

Şamaxıda dəhşətli olay

Şamaxı rayonunda dəhşətli hadisə baş verib. Rayon Polis Şöbəsinin müstəntiqi Amin Piriyev APA-nın yerli bürosuna bildirib ki, hadisə dekabrın 22-də saat 17:00 radələrində Şamaxı şəhərindəki 20 Yanvar bağında qeydə alınıb.

Şamaxı şəhər sakini, əvvəllər məhkum olunmuş, 1977-ci il təvəllüdlü Şükürov Qalib Gülabbas oğlu ilə həmyerlisi, 1968-ci il təvəllüdlü Rəhimli İlqar Rafiq oğlu arasında dava düşüb. Şəxsi münasibətlər zəminində baş verən insident zamanı Q. Şükürov üzərindəki bıçaqla İlqar Rəhimlinin gözlərinə xəsarət yetirib. Aldığı bıçaq zərbələrindən hər iki gözünü itirən və tamamilə kor olan İlqar Rəhimli təcili Bakıya aparılıb.

Qalib Şükürov isə tutularaq istintaqa təhvil verilib.

Faktla bağlı Şamaxı Rayon Polis Şöbəsində cinayət işi başlanıb, araşdırma aparılır.
# 346

Oxşar yazılar