Gürcüstanda Kürün suyu kəskin azalıb –

Gürcüstan paytaxtında Kür çayı iki metrədək azalıb.

APA-nın Gürcüstan bürosunun məlumatına görə, son günlər Kür çayının səviyyəsində azalma müşahidə edilir.

Tiflis şəhər sakinləri bu hadisəni narahatlıqla qarşılayırlar: “Çünki Kürün səviyyəsi azaldıqca, çirkab sular Kürə axıdılacaq, şəhərdə təmizlik olmayacaq. Nəticədə Kür suları ilə suvarılan bağlarda yetişən meyvə-tərəvəz ekoloji cəhətdən təmiz olmayacaq. Son günlər havaların quraqlıq keçməsi də Kür sularının azalmasına səbəb olub”.

Sakinlər bildiriblər ki, son on ildə Kürün belə azalması baş verməyib.