Dünya bu gün
16 noyabr 2012 08:00 (UTC +04:00)

Dünya bu gün

1808. Osmanlı hökmdarı IV Mustava Topqapı sarayında sui-qəsd nəticəsində öldürülüb

1869. Süveyş kanalı formal olaraq istifadəyə açılıb

1918. Macarıstan müstəqilliyini elan edib

1918. Azərbaycan Demokratik Respublikasının xarici işlər naziri Ə. Topçubaşov İstanbulda İran səfiri Mirzə Mahmud xanla görüşüb. İranlı diplomatla Topçubaşov arasında belə bir dialoq yaşanıb: “Siz dövlətinizi Azərbaycan adlandırırsınız. Bu nə deməkdir? Bu, İran hüdudlarında yerləşən indiki Azərbaycana iddialarınız deməkdirmi? Siz özünüzü Azərbaycan türkü hesab edirsiniz. Amma bilin ki, nəinki Azərbaycanda, habelə Qafqazda türk yoxdur. Hər yerdə türk axtarmaq siyasətçilərin, Türkiyənin işidir".
Bu hadisədən düz 73 il sonra (1991-ci il 16 noyabr) eyni gündə İranın xarici işlər naziri Əli Əkbər Vilayəti Moskvaya səfəri zamanı “Moskvanın səsi” radiosuna müsahibəsində “İran Azərbaycanın müstəqilliyini tanımaq niyyətində deyil. Bu respublika ilə münasibətlərimiz Sovet İttifaqı çərçivəsində inkişaf edəcəkdir” deyib. Müsahibədən cəmi 10 gün sonra İİR Azərbaycanı tanıyıb

1920. Stalin Leninə Azərbaycandakı vəziyyətlə bağlı teleqram göndərib

1921. Azərbaycan SSR MİK Rəyasət Heyəti “Zaqafqaziya respublikalarının vahid federativ ittifaqda birləşdirilməsi prinsip etibarilə təxirəsalınmaz zərurət sayılması barədə” qərar verib

1933. ABŞ və SSRİ diplomatik münasibətlər qurub

1938. Aktyor Abbas Mirzə Şərifzadə vəfat edib

1945. Amerisium (atom nömrəsi 95) və kürium (96) elementlərinin alınması rəsmən elan edilib

1945. UNESCO təsis edilib

1988. Estoniya SSR Ali Soveti ölkənin suverenliyi haqda qərar qəbul edib

1994. Azərbaycan Respublikası Əfqanıstan ilə diplomatik əlaqələr qurub

1999. Prezident Heydər Əliyevin bu tarixin “Azərbaycanda tolerantlıq günü” kimi qeyd edilməsi barədə göstəriş verib

2000. Kürd əsilli türk musiqiçi Əhməd Kaya Parisdə vəfat edib

2004. Azəri Press Agentliyi (APA) fəaliyyətə başlayıb

2011. Bakıda “Xəzər enerjisinin Avropa perspektivləri” mövzusunda beynəlxalq konfrans başlayıb.


Günün aforizmi

“Bakını fəal müdafiə yolu ilə təsadüflərdən qorumaq üçün ən azı 5 diviziya lazımdır... əks halda düşmən ilk hücumdaca Yelizavetpolu tutaraq 18-ci ildəkinə bənzər Azərbaycan burjua hökuməti yaratmaq imkanı əldə edəcək”.

Stalin Leninə teleqramından
# 928

Oxşar yazılar