Xəbərdarlıq: temperatur 5 dərəcə düşəcək, leysan və güclü şimal küləyi gözlənilir

Sentyabrın 10-da Azərbaycan ərazisində gözlənilən hava şəraiti ilə bağlı proqnoz açıqlanıb. Lent.az-ın AzərTAc-a istinadən məlumatına görə, sentyabrın 10-da Bakıda və Abşeron yarımadasında havanın buludlu olacağı, axşama doğru yağış yağacağı gözlənilir. Temperatur gecə 17-20°, gündüz 22-25° isti olacaq. Bakıda gecə 18-20°, gündüz 22-24° isti olacağı gözlənilir.

Abşeronun çimərliklərində dəniz suyunun temperaturunun Sumqayıt, Novxanı, Pirşağı, Nardaran, Bilgəhdə, Zuğulbada, Buzovna, Mərdəkan, Şüvəlanda 22-23°, Türkan, Hövsan, Sahil, Şıxda 23-24° isti olacağı gözlənilir.

Naxçıvan Muxtar Respublikasında şimşək çaxacağı, yağış yağacağı gözlənilir. Bəzi yerlərdə leysan xarakterli olacağı ehtimalı var. Temperaturun gecə 12-17°, gündüz 24-29° isti olacağı gözlənilir.

Bölgələrdə şimşək çaxacağı, yağış yağacağı gözlənilir. Bəzi yerlərdə leysan xarakterli olacağı ehtimalı var. Temperaturun gecə 7-12° olacağı, gündüz 24 dərəcəyə çatacağı gözlənilir.

Sentyabrın 10-12-də ölkə ərazisində gözlənilən hava şəraiti ilə bağlı xəbərdarlıq olunub. Qeyd olunan tarixlərdə hava şəraitinin qeyri-sabit keçəcəyi, temperaturun ötən günlərlə müqayisədə 3-5° aşağı enəcəyi, arabir yağış yağacağı, bəzi yerlərdə leysan xarakterli olacağı, şimal küləyinin güclənəcəyi gözlənilir.