Tarixə düşən öpüşlər - FOTOLENT

Bu gün gündəmdə olan açar sözlərdən biri “öpüşmək”dir. Biz də oxucuların marağına səbəb olacaq və tarixə düşən öpüşmələr haqda məlumat hazırladıq.

Lent.az “Milliyyət”ə istinadən tarixə düşən öpüşlərin tarixçəsi və fotolarını təqdim edir.

“Life” jurnalının 2-ci nömrəsinin möhtəşəm üz qapağı

Dünya müharibəsinin bitdiyi xəbərini eşidən və bunu Nyu Yorkda Fəvvarələr Meydanında bir tibb bacısını öpərək qeyd edən Qlenn McDuffie adlı dənizçi həmin il "Life" jurnalının ikinci seriyasının üz qapağı olmuşdu. Jurnalın əməkdaşları illər sonra həmin dənizçini taparaq eyni geyimdə və eyni məkanda fotolarını çəkmişdi, amma bu dəfə tibb bacısız.

Dünyanın izlədiyi öpüş

Şahzadə Diana və şahzadə Çarlzın bir-birlərinə ən yaxın olduqları an bu öpüşmə anı idi. Cütlük ondan sonra heç vaxt bir yerdə bu qədər səmimi və çox yaxın vəziyyətdə görüntülənməyib.

Az qala siyasi böhran yaradırdı

Məşhur aktyor Riçard Qir İngiltərədə yayımlanan talk-şoulardan birinin hind əsilli qalibi Şilpa Şettini elə öpüb ki, bütün Hindistan ayağa qalxıb. Hətta Hindistan məhkəməsi aktyor haqqında həbs qərarı da çıxarıb. Nəticədə Qir üzr istəmək məcburiyyətində qalıb.

Ərəfat və Xomeyninin öpüşü

Fələstinin mərhum lideri Yaser Ərəfat ilə Əyatullah Xomeyni öpüşərkən.

“Oskar” sərxoşu olub

Rol aldığı "Pianoçu” filminə görə “Ən yaxşı kişi aktyor” adını qazanan və “Oskar" ilə mükafatlandırılan Adrian Brodi mükafatı təqdim edən Holl Berrini qəfildən öpüb.