Rusiyanın Çeçenistan Respublikasının başçısı Ramzan Kadırov “İslam qəhrəmanı” titulu və “Yerusəlim ulduzu” ordeni ilə təltif olunub.
Mükafatlar R.Kadırova “İslam sülh və mərhəmət carçısıdır” beynəlxalq dini konfransı zamanı təqdim edilib.
Ümumdünya İslam Liqasının baş katibi Məhəmməd Abdulkərim Al-İssa konfransda bildirib ki, Fələstin Dövlətinin başçısı Mahmud Abbas Ramzan Kadırovun “Yerusəlim ulduzu” ordeni ilə təltif edilməsi haqqında qərar qəbul edib.
“İslam sülh və mərhəmət carçısıdır” beynəlxalq dini konfransı Çeçenistanın paytaxtı Qroznıda keçirilir. Konfransda Qafqaz Müsəlmanları İdarəsinin sədri şeyxülislam Allahşükür Paşazadə də iştirak edir. Foruma 43 ölkənin nümayəndələri qatılıblar.
(AZƏRTAC)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
