Kim Çen In ordunu hücuma hazır olmağa çağırdı

Şimali Koreya lideri Kim Çen In artilleriya qoşunlarının genişmiqyaslı təlimi çərçivəsində çıxışı zamanı hərbçiləri hücum əmri verilən kimi Seuldakı hökumət qurumlarına zərbələr endirməyə hazır olmağa çağırıb. APA-nın “RİA Novosti”-yə istinadən verdiyi xəbərə görə, bu barədə “Renhap” agentliyi məlumat yayıb.

“Şimali Koreya Cənubi Koreyanın dövlət qurumlarını amansızcasına məhv etməklə ölkənin birləşməsinə nail olmalıdır”, - deyə Kim Çen In bildirib. Onun sözlərinə görə, ordunun döyüş ruhu və hazırlığı daim yüksək səviyyədə saxlanılmalıdır.