İyulun 17-də İrəvanda polis alayının binasına hücum etmiş silahlı qrupla atışma zamanı ağır yaralanmış polis baş giziri Qaqik Mkrtçyan bu gün xəstəxanada ölüb.
APA-nın “RİA Novosti”-yə istinadən verdiyi xəbərə görə, Qaqik Mkrtçyan atışma zamanı yuxarı ətrafı, döş qəfəsi və qarın nahiyəsindən güllə yaraları alıb, dörd dəfə əməliyyat olunub.
Qeyd edək ki, silahlı qrup Ermənistan Polisinin Patrul-mühafizə polkunun Erebuni rayonunda yerləşən binasını iyulun 17-dən zəbt edib. İndiyə qədər atışma nəticəsində 2 polis əməkdaşı öldürülüb. Onlar Ermənistan prezidenti Serj Sərkisyanın istefa verməsini, həbsdə olan təşkilatın lideri və “Təsis parlamenti”nin sədri Jirayr Sefilyanın azadlığa buraxılmasını tələb edirlər.
Silahlı qrup iyulun 31-də müqaviməti dayandıraraq polisə təslim olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
