Bu ilin birinci rübündə Gürcüstanın ümumi xarici borcu 10,2 mln. ABŞ dolları artıb. APA-nın yerli bürosu xəbər verir ki, bu barədə Gürcüstan Milli Bankının hesabatında bildirilir.
Hesabatda qeyd olunub ki, 2019-cu il martın 31-nə olan göstəriciyə görə, Gürcüstanın cəmi xarici borcu 17,8 mlrd. dollara bərabər olub. Ölkənin ümumi xarici borcunun 5,4 mlrd. dolları dövlət sektorunun payına düşüb.
Hesabat dövründə Gürcüstan Milli Bankının xarici borcu 7,2 mln. dollar artıb. Cari ilin birinci rübünün sonunda Milli Bankın ümumi borcu 376,4 mln. dollar təşkil edib. Bunun 200,2 mln. dolları Gürcüstanın Beynəlxalq Valyuta Fondunun üzvü olanadək ödəmə müddəti və faktiki olaraq heç bir ödəmə öhdəliyi olmayan xüsusi kredit haqqı olduğu bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
