Dağıstan Daxili İşlər Nazirliyinin binası yaxınlığında maşın partladılıb.
Lent.az-ın İTAR-TASS agentliyinə istinadən verdiyi məlumata görə, Dövlət Yol Polisinin əməkdaşları sürücünün sənədlərini yoxlamaq istəyərkən partlayış baş verib.
Partlayış nəticəsində 11 nəfər yaralanıb. Yaralılardan 3 nəfəri polis, 8 nəfəri mülki şəxsdir. Dağıstan Daxili İşlər Nazirliyi cəsəd üzərində aparılan araşdırmalara əsasən partlayıcı qurğunu işə salan sürücünün qadın olduğunu açıqlayıb. Kamikadze-qadının şəxsiyyəti də müəyyənləşib.
Dağıstan Daxili İşlər Nazirliyi həmin qadının mayın 13-də itkin düşmüş Mədinə Əliyeva olduğunu açıqlayıb. Mədinə Əliyeva 2 dəfə silahlılarla ailə qurub. Onun birinci həyat yoldaşı Əli Əliyev 2009-cu ilin yayında, ikinci həyat yoldaşı Qurban Capayev 2012-ci ildə öldürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
