ABŞ Avropa İttifaqı və Kanadaya ultimatum verib

ABŞ hakimiyyəti Avropa İttifaqı v Kanadadan metal ixracına dair kvota ilə razılaşmağı tələb edir.

APA-nın "Bloomberg" nəşrinə istinadən verdiyi məlumata görə, ABŞ ticarət naziri Uilbur Ross deyib ki, əgər gömrük rüsumu ilə razılaşmırlarsa, hər kəsdən kvota ilə razılaşmağı xahiş edirlər.

ABŞ ticarət naziri həmin dövlətlərin mayın 1-ə qədər bu barədə qərar verməli olduğunu vurğulayıb.

Əgər Avropa İttifaqı və Kanada kvotanı qəbul etməkdən imtina edərlərsə, ABŞ polad ixracına 25 faiz, alüminium ixracına 10 faiz gömrük rüsumu tətbiq edəcək.