![[b]Bausa istefaya göndərildi[/b]](https://lent.az/site/assets/images/breaking-news/lentaz.png)
Argentinanın futbol üzrə yığma komandasının baş məşqçisi Edqardo Bausa istefaya göndərilib.
APA-nın “Fox Sports”-a istinadən verdiyi xəbərə görə, bunu Argentina futbol Assosiasiyasının rəhbəri Klaudio Tapiya bəyan edib.
Bundan əvvəl Braziliyanın “San-Paulu” klubuna rəhbərlik edən Edqardo Bausa ötən ilin avqustundan Argentina yığmasına rəhbərlik edirdi. 59 yaşlı mütəxəssis Amerika Kubokunun finalından sonra vəzifəsindən istefa verən Herardo Martinonu əvəzləmişdi.
Hazırda Argentina yığması 2018-ci il dünya çempionatının Cənubi Amerika zonası üzrə qrup mərhələsində 5-ci yerdə qərarlaşıb.
Qeyd edək ki, Edqardo Bausa 2008-ci ildə Ekvadorun “Kito”, 2014-cü ildə isə Argentinanın “San-Lorenso” klubu ilə Libertadores Kubokunun qalibi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
