Qız kirayə puluna görə tualetdə yaşayır - İNANILMAZ

Çinin Hunan əyalətində bir gənc qızın həyat tərzi eşidənləri heyrətləndirib.

Lent.az xarici mediaya istinadla bildirir ki, 18 yaşlı qız mebel mağazasında satıcı işləyir və ayda 2700 yuan (təxminən 645 manat) qazanır. Onun şəhərində kirayə mənzil 800 yuana (təxminən 187 manat) başa gəlir. Bu da qızın maaşının üçdə birinə bərabərdir. Ancaq o, qənaət etmək üçün qeyri-adi bir yol tapıb.

Qız mənzil kirayələmək əvəzinə şirkət sahibinin arvadı ilə müqavilə bağlayıb və ticarət mərkəzinin xidməti tualetində yaşayıb. Ayda 50 yuan (təxminən 11 manat) nominal ödəniş müqabilində o, burada gecələmək hüququ əldə edib. Gündüzlər tualetdən təyinatı üzrə istifadə edilir, axşam isə yatağı açır və portativ sobada yemək bişirir.

Səhər həmkarlarını narahat etməmək üçün tualeti hərtərəfli təmizləyir.

Onun yaşayış şəraiti sosial şəbəkələrdə qızğın müzakirələrə səbəb olub. Bir çoxları bunun mümkün olduğuna şübhə edib. Lakin qız bir neçə aydır ki, belə yaşadığını təsdiqləyib. O, öz evi və avtomobili üçün pul yığmaq istədiyini, buna görə də müvəqqəti olaraq narahatlığa dözməyə hazır olduğunu deyib:

"Mən bunun qəribə olduğunu başa düşürəm, amma mənim üçün bu, şüurlu seçimdir. Bu pulu gələcəyə qənaət edə bildiyim halda maaşımın çox hissəsini kirayəyə xərcləmək istəmirəm".

O, bu şirkətdə işlədiyi müddətdə köçmək fikri yoxdur. Onun hekayəsi Çindəki gənclərin qiymətləri get-gedə bahalaşan mənzillərə sahib olmaq üçün etməyə hazır olduqları fədakarlıqların əsas nümunəsidir.