Oğrunu öldürən polis həbsxanada bıçaqlandı

Qaradərili amerikalı Corc Floydu öldürməkdə təqsirli bilinən keçmiş polis zabiti Derek Şovin Arizona ştatında həbsxanada bıçaqlanıb.

Lent.az xəbər verir ki, bu barədə “Associated Press” məlumat yayıb. Keçmiş hüquq-mühafizə orqanının başqa bir məhbus tərəfindən bıçaqlandığı bildirilir.

Mənbələrin məlumatına görə, Şovin ağır yaralanıb. Həbsxana işçiləri ona ilkin tibbi yardım göstəriblər. Bundan sonra o, xəstəxanaya göndərilib.

Bundan əvvəl məlum olub ki, Şovin onun tələbi ilə bağlı apellyasiya şikayəti verməkdən imtina edib.

Qeyd edək ki, 2020-ci ilin mayında oğurluqda şübhəli bilinən Floydu dizi ilə asfalta sıxan və huşunu itirənə qədər buraxmayan polis məmuru Derek Şovin saxlanılıb.

Onun dizi ilə sıxıb saxladığı Floyd ölüb. Bu ölüm iğtişaş dalğasına və “Qaraların Həyatı Önəmlidir” hərəkatının yüksəlişinə səbəb olub.

Polis Şovin 22,5 il müddətinə azadlıqdan məhrum edilib və o, vəzifə səlahiyyətlərindən sui-istifadə etməkdə təqsirli bilinib.