Koronavirus pandemiyasının qızğın vaxtında Braziliya böyük bir aclığa məruz qalıb.
Lent.az-ın xarici mediaya istinadla verdiyi xəbərə görə, hər gün ərzaq paylama mərkəzlərinin yaxınlığında böyük növbələr durur - ölkə əhalisinin yarısı qida çatışmazlığından əziyyət çəkir
Tədqiqatçıların fikrincə, son 17 ildə ilk dəfə 100 milyondan çox braziliyalı tam yemək imkanı qazanmır və hər beş nəfərdən biri ac qalır.
Təkcə Rio-de-Janeiro ştatında bir ildə bir milyon insan işini itirib.
Aprel ayından bəri sakinlərə yardım ödədilir, amma məbləğlər çox azdır. Məsələn, iki nəfərlik ailələr yalnız 45 dollar əldə edə bilərlər.
