İtən turistlər “iPhone” sayəsində xilas edildi

Amerikada itmiş turistlər "iPhone"un çox bilinməyən xüsusiyyəti sayəsində xilas edilib.

Lent.az xəbər verir ki, axtarış əməliyyatı əlverişsiz hava şəraiti səbəbindən çətinləşib.

Onlarla turist Kaliforniya ştatındakı Santa Pola kanyonunda "Son şans" adlı cığırda azıblar. Amma xilasedicilər “iPhone”un bu xüsusiyyəti sayəsində xilasetmə işlərinə cəlb edilib.

Səyahətçilər öz smartfonlarında Fövqəladə SOS xüsusiyyətindən istifadə ediblər.

Bu da hətta mobil əlaqə olmadıqda belə xilasetmə qrupu ilə əlaqə saxlamağa imkan verir. Bunun sayəsində onlar yerləşdikləri yerlər haqqında məlumat verə və onlara kömək istəyi ilə SMS göndərə biliblər.

Xilasedicilər qrupu turist cığırına gəlib və çətin hava şəraiti ilə çətinləşən xilasetmə əməliyyatına başlayıb. Görmənin zəifləməsi və yağışdan sonra yolların yuyulması işləri daha da çıxılmaz vəziyyətə salıb. Amma onlar kanyona təxminən 6,4 kilometr dərinliyə qədər gedib və orada itmiş səyahətçiləri tapıblar.

Turistlər vəziyyətlərinin yaxşı və "Apple" şirkətinə minnətdar olduqlarını bildiriblər.