Cütlük fərqli təyyarələrdə eyni anda qəzaya düşdü - film kimi OLAY

İtaliyada bir-birini sevən cütlük iki fərqli təyyarədə uçarkən eyni qəzaya düşüb. Onlar qarşılıqlı dostlarla görüşmək üçün uçublar.

Lent.az xarici mediaya istinadla bildirir ki, 30 yaşlı Stefano Pirilli və onun 22 yaşlı nişanlısı Antonietta Demaşi iki fərqli ultra yüngül təyyarə ilə Turin şəhərinə gediblər. Nəticədə Stefanonun olduğu iki nəfərlik “Tecnam P92 Echo Super” San Hillioda qəzaya uğrayıb. Antoniettanın uçduğu ultra yüngül təyyarə də qəzanın ilk yerindən təxminən 40 kilometr aralıda Busano yaxınlığında qəzaya uğrayıb.

“Bu, Antoniettanın ilk uçuş təcrübəsi idi və qəzaya görə çox təəssüflənirəm. Gün çox gözəl başlamışdı və hər ikimizin ayrı-ayrı təyyarələrdə qəzaya düşməsi ilə başa çatdı. Biz xoşbəxtik ki, ölmədik və düşüncələrimizi qəbul edən pilotların yanındayıq, yalnız xəsarətlər var” deyə Stefano Pirilli bildirib.

Qeyd olunur ki, təyyarə qəzası nəticəsində oğlan xoşbəxtlikdən heç bir xəsarət almayıb. Nişanlısına isə çanaq sümüyünün zədəsi diaqnozu qoyulub. Stefano Pirillinin sözlərinə görə, hər iki qəzaya səbəb pis hava şəraiti olub. O, həmçinin əlavə edib ki, həkimlər onun nişanlısını tezliklə xəstəxanadan çıxaracaqlarına söz verirlər.