Avstraliyada yerli sakinlər bir neçə çimərlikdə böyük paketlərdə kokain tapıblar.
Lent.az-ın "News.com.au" saytına istinadən verdiyi məlumata görə, hadisə Yeni Cənubi Uels ştatında baş verib.
Axşam saat səkkiz radələrində yerli sakin qumun üzərində şübhəli əşya aşkar edib. Hadisə yerinə gələn polis müəyyən edib ki, tapılmış iri bağlamada hər birinin çəkisi bir kiloqram olan 39 bağlama narkotik vasitə olub.
Bundan sonra başqa bir avstraliyalı Sidneyin şimal çimərlikləri yaxınlığında daha 39 bağlama tapıldığını bildirib. Digər oxşar yerlərdə daha bir neçə bağlama aşkarlanıb.
Ümumilikdə 124 kiloqram kokain aşkar edilib. Bütün bağlamalar ekspertizaya göndərilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
