Britaniya onilliklər ərzində öz mərmilərində kasıblaşdırılmış uran istifadə edib - MN

Rusiya kasıblaşdırılmış uran mərmiləri haqqında qəsdən dezinformasiya yaymağa çalışır.

Lent.az-ın UNİAN-a istinadən verdiyi xəbərə görə, bu barədə Böyük Britaniyanın Müdafiə Nazirliyi məlumat yayıb.

Bir gün əvvəl Rusiya prezidenti Vladimir Putin “kollektiv Qərb”in nüvə komponenti olan silahlardan istifadə etməyə başladığı iddiasına “cavab verməyə məcbur olacaqlarını” bildirib.

Sky News yazır ki, Müdafiə Nazirliyi Britaniya ordusunun bu materialdan onilliklər ərzində öz mərmilərində istifadə etdiyini bildirib.

“Bu standart komponentdir, nüvə silahı ilə heç bir əlaqəsi yoxdur. Rusiya bundan xəbərdardır, lakin bilərəkdən dezinformasiya etməyə çalışır”, - Müdafiə Nazirliyinin bəyanatında deyilir.