Bəy öz toyunda iştirak üçün min avro ödədi - ŞOK OLAY
04 iyun 2024 15:27 (UTC +04:00)

Bəy öz toyunda iştirak üçün min avro ödədi - ŞOK OLAY

İspaniyanın Mayorka adasında Konnor Lorimer adlı 29 yaşlı Britaniya sakini sərxoş halda əlbəyaxa dava edib və öz toyu öncəsi həbsxanaya düşüb.

Lent.az xarici KİV-ə istinadla bildirir ki, Lorimer və onun yeddi həmyerlisi nüfuzlu Balneario İlletas klubunun çimərliyində spirtli içki qəbul edərək, digər istirahət edənləri narahat ediblər. Ofisiantlar onlardan dənizə zibil atmamağı xahiş edib. İngilislər buna aqressiv reaksiya verib və restoran işçiləri ilə əlbəyaxa dava başlayıb.

Onlar qadın ofisiantı tutub quma atıblar. Bunu görən oğlan ofisiant polisə müraciət edib. Turistlər saxlanılmazdan əvvəl iki polis əməkdaşını da yaralayıblar. Qeyd olunur ki, bəy, onun ən yaxın adamı və dostları iki gecəni dəmir barmaqlıqlar arxasında keçirib. Toy günü isə həbsdən azad olunmaq üçün min avro ödəyiblər.

Ancaq Lorimer baş verənlərə baxmayaraq, toydan həzz almağı bacarıb. Eyni zamanda Palma-de-Malyorka məhkəməsinin nümayəndələri britaniyalı turistlərin işinin bağlanmadığını və onların daha sonra məhkəməyə çağırılacağını vurğulayıblar.

1 2 3 4 5 İDMAN XƏBƏRLƏRİ
# 1887
avatar

Oxşar yazılar