Hadisə Britaniyada baş verib.
Lent.az-ın xəbərinə görə, Norviş şəhərində yaşayan 1-ci kurs tələbəsi internet üzərindən yataqxana seçib.
Hüquq fakültəsinin tələbəsi elandakı şəkillərə görə bəyəndiyi yataqxanaya gəldikdə vəziyyətin fərqli olduğunu görüb: binada tikinti gedir, hər yer toz-torpaqdır, texnikanın səs-küyündən oturmaq olmur və s.
Bu vəziyyətlə rastlaşan tələbə ödəniş etməyib, məhkəməyə üz tutub. Proses zamanı o, şahidləri tapıb, qanunları araşdırıb. Nəhayət, bir neçə həftə çəkən prosesdən sonra tələbə qalib gəlib. Yataqxana rəhbərliyi ona 999 funt-sterlinq (təxminən 1200 manat) ödəməyə məcbur olub.
Prosesdən sonra televiziyaya müsahibəsində 1-ci kurs tələbəsi belə deyib: “mən müəllimlərimin tövsiyəsinə əməl etdim, müqavilə hüququnu oxudum. Kitab oxumaq və qanunun tətbiq sahəsini öyrənmək lazımdır.”
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
